ముంబై వ్యతిరేక ప్రచారం వ్యాప్తి: బాల్ థాకరే

ముంబై: ముంబై వ్యతిరేక వైరస్ వ్యాపిస్తోందని, అయితే ఇది తమ పార్టీపై ఏ విధమైన ప్రభావం చూపదని శివసేన అధినేత బాల్ థాకరే అన్నారు. ఐదేళ్ల క్రితం పాకిస్తాన్ జావెద్ మియాందాద్ తన ఇంటికి రావడంపై గోబెల్స్ ప్రచారం సాగుతోందని, దానివల్ల తమ పార్టీకి నష్టమేమీ ఉండదని ఆయన గురువారం అన్నారు. మియాందాద్ తన ఇంటికి రావడంపై రాజకీయ లబ్ధికి వాడుకున్నారని, దాని ప్రభావం తమపై పడలేదని ఆయన అన్నారు. పార్టీ అధికార పత్రిక సామ్నాలో తాను రాసిన వ్యాసంలో ఈ వ్యాఖ్యలు చేశారు.

ముంబై వ్యతిరేక, మహారాష్ట్ర వ్యతిరేక వైరస్ వ్యాపిస్తోందని, ఇందులో ఆశ్చర్యమేమీ లేదని, ముంబైలో మకాం వేసిన వారు కొందరు మరాఠీల మనోభావాలను దెబ్బ తీస్తున్నారని ఆయన అన్నారు. మియాందాద్ తన ఇంటికి రావడంపై దుమారం చెలరేగిందని, మాజీ భారత క్రికెట్ వెంగ్ సర్కార్ మియాందాద్ తో తన భేటీకి ఏర్పాటు చేశాడని ఆయన చెప్పారు. భారత్ లో ఆడేందుకు పాకిస్తాన్ ఆటగాళ్లను అనుమతించాలని ఆయన కోరారని, అందుకు తాను నిరాకరించానని ఆయన వివరించారు. మియాందాద్ ను 2004లో తన ఇంటికి అహ్వానించిన థాకరేకు షారూఖ్ ఖాన్ ను దేశద్రోహి అనే హక్కు లేదని ఎన్సీపి నేత నవాబ్ మాలిక్ అన్నారు.