షారూఖ్ సినిమాను అడ్డుకోం: థాకరే

ముంబై: ఐపియల్ లోకి పాకిస్తాన్ ఆటగాళ్లను తీసుకోకపోవడంపై తప్పు పట్టినందుకు బాలీవుడ్ నటుడు షారూఖ్ ఖాన్ సినిమా మై నేమ్ ఈజ్ ఖాన్ ను అడ్డుకోవాలనే నిర్ణయం నుంచి శివసేన వెనక్కి తగ్గింది. షారూఖ్ సినిమా ప్రదర్సనను అడ్డుకోబోమని శివసేన అధినేత బాల్ థాకరే శనివారం చెప్పారు. చిత్ర పరిశ్రమ, ప్రపంచవ్యాప్తంగా మీడియా తప్పు పట్టడంతో థాకరే తన నిర్ణయం నుంచి వెనక్కి తగ్గినట్లు కనిపిస్తోంది.

షారూఖ్ ఖాన్ క్షమాపణ చెప్పకపోతే సినిమా ప్రదర్శనను అడ్డుకుంటామని శివసేన ఇంతకు ముందు హెచ్చరించింది. షారూఖ్ ఖాన్ కు అన్ని వైపుల నుంచి మద్దతు లభించింది. రాజకీయ పార్టీల నాయకులు, కళాకారులు, అభిమానులు ఆయనకు అండగా నిలిచారు. తాను తన పిల్లలతో ఉండాలనుకుంటున్నానని, సమస్య పరిష్కారమవుతుందని భావిస్తున్నానని షారూఖ్ అన్నారు.