డెడ్ లైన్లేమీ మారలేదు: కోదండరామ్

హైదరాబాద్: తెలంగాణ ప్రజాప్రతినిధుల రాజీనామాలకు డెడ్ లైన్ ఏమీ మారలేదని తెలంగాణ రాజకీయ, ప్రజా సంఘాల జెఎసి కన్వీనర్ కోదండరామ్ చెప్పారు. ఆయన శనివారం తెలుగుదేశం తెలంగాణ శాసనసభ్యులతో సమావేశమయ్యారు. జెఎసి సమావేశం సోమవారం జరుగుతుందని, రేపు వరంగల్ లో విద్యార్థుల పొలికేక, హైదరాబాదులో ముస్లింల సమావేశం ఉన్నాయని, అందువల్ల రేపు జెఎసి సమావేశం జరపలేకపోతున్నామని ఆయన శనివారం మీడియా ప్రతినిధులతో చెప్పారు.

సోమవారం జరిగే జఎసి సమావేశంలో ప్రజాప్రతినిధుల రాజీనామాలపైనే కాకుండా కొన్ని కీలక విషయాలపై కూడా చర్చిస్తామని ఆయన చెప్పారు. జెఎసిలో కాంగ్రెసు కొనసాగుతుందనే నమ్ముతున్నామని ఆయన చెప్పారు. పిసిసి సమన్వయ కమిటీ కాంగ్రెసు అంతర్గత వ్యవహారమని, ఆ విషయంపై తాను మాట్లాడబోనని ఆయన అన్నారు.