తెలుగు ఎంపీల రాజీనామాలపై త్వరలో నిర్ణయం: స్పీకర్

చెన్నై: రాష్ట్ర ఎంపీల రాజీనామాల విషయంలో త్వరలోనే నిర్ణయం తీసుకుంటానని లోక్‌సభ స్పీకర్‌ మీరాకుమార్‌ తెలిపారు. విభజన, సమైక్య ఉద్యమాల నేపథ్యంలో రాష్ట్రానికి చెందిన ఎంపీలు తమ పదవులకు రాజీనామా చేసిన విషయం తెలిసిందే. చిన్న రాష్ట్రాలు అబివృద్ధికి ఆటంకాలని మీరా కుమార్ ఇటీవల ఒక సదస్సులో చెప్పిన విషయం గుర్తుండే ఉంటుంది.

మీరా కుమార్ అభిప్రాయాలు తెలంగాణ వాదులకు వ్యతిరేకంగా ఉండడంతో హైదరాబాద్ లో దీనిపై మల్లగుల్లాలు జరుగుతున్నాయి. రాష్ట్ర ఎంపీల రాజీనామాలను ఆమె ఆమోదించే అవకాశాలు కన్పించడం లేదు. కేవలం వత్తిడి పెంచి శాంతియుత వాతావరణం నెలకొల్పడానికే ఆమె ఈ అభిప్రాయాన్ని వెల్లడించినట్టు పరిశీలకులు భావిస్తున్నారు.