హైదరాబాదులో నాలుగేళ్ల బాలుడి కిడ్నాప్

హైదరాబాద్: హైదరాబాదులోని శాలిబండ ప్రాంతంలో సోమవారం నాలుగేళ్ల బాలుడు అపహరణకు గురయ్యాడు. నూరుల్లా అనే నాలుగేళ్ల బాలుడు పాఠశాలకు వెళ్లడానికి తయారై ఇంటి ముందు అడుకుంటున్నాడు. ఈ సమయంలో ముగ్గురు వ్యక్తులు అతన్ని కిడ్నాప్ చేశారు. బైక్ వచ్చిన ఇద్దరు వ్యక్తులు, అక్కడ మరో వ్యక్తి సాయంతో బాలుడిని కిడ్నాప్ చేసుకుని పారిపోయారు. భవంతిపై నుంచి బాలుడు అక్కలు అరుస్తుండగానే కిడ్నాపర్లు పరారయ్యారు.

బాలుడిని డబ్బుల కోసమే అపహరించి ఉంటారనే అనుమానాలు వ్యక్తమవుతున్నాయి. ఈ కోణం నుంచే పోలీసులు దర్యాప్తు ప్రారంభించారు. ఇంతకు ముందు కూడా ఆగంతకులు ఒక బాలుడిని కిడ్నాప్ చేసి డబ్బులు డిమాండ్ చేశారు. బాలుడి కుటుంబం ఈ కిడ్నాప్ తో కన్నీరుమున్నీరవుతోంది.