• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఎన్టీఆర్ అదుర్స్: నాని వర్సెస్ హరీష్

By Pratap
|

Adurs
హైదరాబాద్: జూనియర్ ఎన్టీఆర్ అదుర్స్ సినిమా ప్రదర్శనపై తెలుగుదేశం శాసనభ్యుడు, ఆ చిత్ర నిర్మాత కొడాలి నాని చేసిన వ్యాఖ్యలు తీవ్ర దుమారాన్ని రేపాయి. అదుర్స్ సినిమాను అడ్డుకోలేని తెలంగాణవాదులు సమైక్యాంధ్రను అడ్డుకోగలరా అని ఆయన చేసిన వ్యాఖ్యలపై తెలంగాణ రాష్ట్ర సమితి (తెరాస) శాసనసభ్యుడు హరీష్ రావు సోమవారం తీవ్రంగా మండిపడ్డారు. కొడాలి నాని ఉన్మాదిలా మాట్లాడుతున్నారని, నానిపై తెలుగుదేశం పార్టీ అధ్యక్షుడు నారా చంద్రబాబు నాయుడు చర్యలు తీసుకోవడం అవసరమని ఆయన అన్నారు. జూనియర్ ఎన్టీఆర్ బతిమాలడం వల్లనే అదుర్స్ సినిమా ప్రదర్శనను అడ్డుకోలేదని ఆయన మీడియా ప్రతినిధులతో చెప్పారు. సినిమా ఎలా ఆడుతుందో చూస్తామని ఆయన అన్నారు. నాని క్షమాపణ చెప్పాలని ఆయన అన్నారు. తెలంగాణ ప్రజల మనోభావాలని దెబ్బ తీసిన నాని హైదరాబాదులో తిరగలేరని ఆయన హెచ్చరించారు. సమైక్యవాదాన్ని సినిమా ప్రదర్శనతో ముడి పెట్టడాన్ని ఆయన వ్యతిరేకించారు.

మీడియా తన మాటలను వక్రీకరించిందని కొడాలి నాని అన్నారు. తాను తెలంగాణ ప్రజల మనోభావాలను దెబ్బ తీయలేదని ఆయన స్పష్టం చేశారు. తెలంగాణలో అదుర్స్ ఓపెనింగ్స్ దెబ్బ తినడం వల్ల కోటి రూపాయలు నష్టపోయామని ఆయన చెప్పారు. హైదరాబాదులో తిరగనివ్వమనడానికి హరీష్ రావు ఎవరని ఆయన అడిగారు. ఎన్టీఆర్ పై అభిమానంతోనే అదుర్స్ సినిమాను అడ్డుకోలేదని, నాని మాట్లాడిన తీరు బాగా లేదని శాసనసభ్యురాలు సీతక్క అన్నారు. కాగా, వరంగల్ లో అశోక్ థియేటర్ లో బిందాస్ సినిమా ప్రదర్శనను తెలంగాణవాదులు అడ్డుకున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X