నెల్లూరులో కోటి విలువైన బంగారం చోరీ

నెల్లూరు: నెల్లూరు నగరంలో కోటి రూపాయల విలువ చేసే బంగారం బిస్కెట్ల దొంగతనం జరిగింది. నెల్లూరులోని కాండ్రేగుల వీధిలో గల ఎస్వీఆర్ ఆన్ లైన్ మర్చంట్స్ షాపులో ఈ చోరీ జరిగింది. ఈ దుకాణం శ్రీనివాస్ అనే వ్యాపారికి చెందింది. ఇక్కడి నుంచే జిల్లావ్యాప్తంగా బంగారం వ్యాపారులు హోల్ సేల్ గా బంగారం బిస్కట్లను కొనుగోలు చేస్తారు. వేసిన తాళాలు వేసినట్లే ఉన్నాయి. దాంతో దుకాణంలోనివారే దొందతనానికి పాల్పడి ఉంటారని పోలీసులు అనుమానిస్తున్నారు.

దుకాణంకోసం ప్రత్యేకంగా భద్రతా ఏర్పాట్లు ఏమీ లేవు. సెక్యూరిటీ గార్డులు కూడా లేరు. ఆ ప్రాంతంలో ప్రభుత్వ సెక్యూరిటీ కూడా పెద్దగా ఉండదు. పోలీసులు దర్యాప్తు చేస్తున్నారు. ఈ సాయంత్రంలోగా దొంగలను పట్టుకుంటామని వారు చెబుతున్నారు. కాగా, నెల్లూరులో వరుసగా ఇది రెండో బంగారం చోరీ కేసు.