• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలంగాణ అంతటా అదుర్స్ షోలకు బ్రేక్

By Pratap
|

Adurs
హైదరాబాద్: జూనియర్ ఎన్టీఆర్ నటించిన అదుర్స్ సినిమా ప్రదర్శనకు తెలంగాణ అంతటా బ్రేకులు పడ్డాయి. తెలంగాణ ఉద్యమాన్ని కించపరిచే విధంగా తెలుగుదేశం శాసనసభ్యుడు, చిత్ర నిర్మాత కొడాలి నాని వ్యాఖ్యలపై తెలంగాణలో అదుర్స్ సినిమాపై ఆగ్రహావేశాలు వ్యక్తమవుతున్నాయి. తెలంగాణలో సోమవారం తెలంగాణ జిల్లాల్లోని థియేటర్లపై తెలంగాణవాదులు విరుచుకుపడ్డారు. పోస్టర్లు, కటౌట్లు చించివేశారు. కొన్ని చోట్ల సినిమా రీళ్లను దగ్ధం చేశారు. థియేటర్ల ముందు తెలంగాణవాదులు ధర్నాలు చేశారు. జై తెలంగాణ నినాదాలు చేశారు. దాంతో సినిమాల ప్రదర్సన అగిపోయింది. కొన్ని చోట్లు యజమానులు ముందే ప్రదర్శనను నిలిపేశారు. కొడాలి నాని ప్రకటన చేసిన వెంటనే ఆదివారం రాత్రి సెకండ్ షో నుంచే నిరసన ప్రదర్శనలు మొదలయ్యాయి.

వరంగల్ లోని థియేటర్లలో అదుర్స్ సినిమాతో పాటు మోహన్ బాబు కుమారుడు నటించిన బిందాస్ సినిమా ప్రదర్సనకు కూడా బ్రేకులు పడ్డాయి. వరంగల్ జిల్లాలోని జనగామలో కూడా అదుర్స్ సినిమా ప్రదర్శన ఆగిపోయింది. కరీంనగర్ జిల్లాలోని హుస్నాబాద్, కరీంనగర్, గోదావరిఖని, వేములవాడ తదితర ప్రాంతాల్లో ఎనిమిది చోట్ల అదుర్స్ సినిమా ప్రదర్శన ఆగిపోయింది. మహబూబ్ నగర్ జిల్లాలోని ఆమనగల్ లో తెలంగాణవాదులు అదుర్స్ సినిమా రీళ్లను దగ్ధం చేశారు. షాద్ నగర్ లో కూడా అదుర్స్ సినిమా ప్రదర్శన ఆగిపోయింది. నాగర్ కర్నూలులో జూనియర్ ఎన్టీఆర్ కటౌట్లను దగ్ధం చేశారు. నిజామాబాద్ జిల్లా కేంద్రంలోనూ కామారెడ్డి తదితర ప్రాంతాల్లోనూ అదుర్స్ సినిమా ప్రదర్శన ఆగిపోయింది. నల్లగొండ జిల్లాలోని హాలియాలో అదుర్స్ సినిమా ఆగిపోయింది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X