ఆటోను ఢీకొట్టిన భట్టి వాహనం: 3గురు మృతి

నల్లగొండ: ప్రభుత్వ చీఫ్ విప్ మల్లు భట్టి విక్రమార్క ఎస్కార్ట్ వాహనం ఎదురుగా వస్తున్న ఆటోను ఢీకొట్టింది. ఈ ప్రమాదం సోమవారం ఉదయం నల్లగొండ జిల్లా చౌటుప్పల్ మండలం దండు మల్కాపూర్ గ్రామం సమీపంలో జరిగింది. ఈ ప్రమాదంలో ఆటోలో ప్రయాణిస్తున్న ముగ్గురు వ్యక్తులు మరణించారు. మరో నలుగురు గాయపడ్డారు. గాయపడినవారిని ఆస్పత్రికి చికిత్స నిమిత్తం తరలించారు. మల్లు భట్టి విక్రమార్క సురక్షితంగానే ఉన్నారు. ప్రమాదం జరిగినా ఆగకుండా భట్టి విక్రమార్క వెళ్లిపోయారు. దీంతో స్థానికులు ఆందోళనకు దిగారు. విక్రమార్కకు అత్యవసరమైన కార్యక్రమం ఉందని, దాంతో ఆగకుండా వెళ్లిపోయారని పోలీసులు వారికి సర్ది చెప్పారు.,br />

హైదరాబాదు వైపు నుంచి వస్తున్న ఆటోను ఖమ్మం నుంచి వస్తున్న విక్రమార్క ఎస్కార్క్ వాహనం ఢీకొట్టింది. విక్రమార్క వాహనానికి ముందు రెండు, వెనక రెండు ఎస్కార్ట్ వాహనాలున్నాయి. 120 కిలోమీటర్ల వేగంతో ఎస్కార్ట్ వాహనం వచ్చింది. ఈ వేగంలో అది ఎదురుగా వస్తున్న ఆటోను ఢీకొట్టింది.