• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కెకెతో కెసిఆర్, ఇతర నేతల భేటీ

By Pratap
|

K Chandrasekhar Rao
హైదరాబాద్: శ్రీకృష్ణ కమిటీ విధివిధానాల వెల్లడిలో జాప్యం జరుగుతున్న నేపథ్యంలో కాంగ్రెసు సీనియర్ నేత కె. కేశవరావు ఇల్లు సందడిగా మారింది. బుధవారంనాడు తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు కాంగ్రెసు నేత ఆర్ దామోదర్ రెడ్డితో కలిసి కేశవరావు నివాసానికి వెళ్లారు. అంతకు ముందు కాంగ్రెసు నాయకులు దామోదర్ రెడ్డి, అమోస్, యాదవ రెడ్డి కెసిఆర్ తో ఆయన నివాసంలో సమావేశమయ్యారు. అనంతరం కెసిఆర్ సహా అందరూ కేశవరావు నివాసానికి వెళ్లారు. వారితో కాంగ్రెసు పార్లమెంటు సభ్యులు మధు యాష్కీ, వివేక్ తదితరులు కలిశారు.

శ్రీకృష్ణ కమిటీ విధివిధానాల ఖరారులో జాప్యం జరగడం, దాని కలపరిమితి కూడా తెలియకపోవడంతో తెలంగాణ రాజకీయ నేతల్లో ఆందోళన చెలరేగుతోంది. విధివిధానాల ఖరారులో జాప్యం జరగడంతో ప్రజల నుంచి వస్తున్న ఒత్తిడి వల్లనే దామోదర్ రెడ్డి శాసనసభా సమావేశాలను బహిష్కరిస్తామని అని ఉంటారని కాంగ్రెసు పార్లమెంటు సభ్యుడు మధు యాష్కీ చెప్పారు. సీమాంధ్ర నేతలు ఢిల్లీలో తమ పార్టీ అధిష్టానంపై ఒత్తిడి తెచ్చే ప్రయత్నం చేస్తున్నారని ఆయన విమర్సించారు. విధివిధానాల వెల్లడిలో జాప్యం పట్ల కాంగ్రెసు నాయకుడు జీవన్ రెడ్డి కూడా ఆందోళన వ్యక్తం చేశారు. తెలంగాణలో పరిపాలనే లేకుండా పోయిందని ఆయన అన్నారు. ప్రజల్లో నమ్మకం పోతోందని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X