ఉస్మానియాలో లాఠీచార్జికి బాబు, చిరు ఖండన

హైదరాబాద్‌: ఉస్మానియా యూనివర్సిటీలో విద్యార్థులపై జరిపిన లాఠిఛార్జిని తెలుగుదేశం పార్టీ అధ్యక్షుడు చంద్రబాబు, ప్రజారాజ్యం అధ్యక్షుడు చిరంజీవి ఖండించారు. ప్రస్తుతం ఓయూలో తలెత్తిన ఉద్రిక్త పరిస్థితులపై సీఎం జోక్యం చేసుకుని చక్కదిద్దాలని చంద్రబాబు కోరారు.

పాత్రికేయులపై పోలీసులు ఆదివారం రాత్రి ఉస్మానియా విశ్వవిద్యాలయంలో లాఠీచార్జీ జరపటంపై నగర జాయింట్‌ పోలీసు కమిషనర్‌ సీతారామాంజనేయులు క్షమాపణ చెప్పారు. భారీ సంఖ్యలో విద్యార్థులు ర్యాలీ జరుపుతూ 200 మంది పోలీసులను ఎదురించి తార్నాక వైపుకు వెళ్లడానికి ప్రయత్నించడంతో లాఠిఛార్జి జరుపాల్సివచ్చిందన్నారు. ఈ సంఘటన దురదృష్టకరమన్నారు. ఉద్దేశ్యపూర్వకంగా పోలీసులు లాఠీచార్జీ జరపలేదని రామాంజనేయులు వివరణ ఇచ్చారు.