రాష్ట్రంలో శాంతి కోసం గవర్నర్ పిలుపు

హైదరాబాద్‌: రాష్ట్రం ప్రస్తుతం గడ్డు కాలాన్ని ఎదుర్కొంటోందని, శాంతి నెలకొనేందుకు అందరూ సహకరించాలని గవర్నర్‌ నరసింహన్‌ కోరారు. అసెంబ్లీ బడ్జెట్‌ సమావేశాల తొలి రోజున గవర్నర్‌ ఉభయసభలనుద్దేశించి ప్రసంగించారు. 'అందరికి శుభాకాంక్షలు' అంటూ తెలుగు పదాలతో గవర్నర్‌ ప్రసంగాన్ని ప్రారంభించారు.

చివరలో కూడా 'అందరం కలిసి రాష్ట్రాన్ని శాంతియుతంగా' ఉంచుదామని తెలుగులో ప్రసంగాన్నిముగించారు. అంతకుముందు గవర్నర్‌కు ముఖ్యమంత్రి రోశయ్య, ప్రతిపక్షనేత చంద్రబాబు, స్పీకర్‌ కిరణ్‌కుమార్‌రెడ్డి, మండలి ఛైర్మన్‌ చక్రపాణి స్వాగతం పలికారు.