కేశవరావు ఇంట్లో తెలంగాణ నేతల సమావేశం

హైదరాబాద్‌: మాజీ పీసీసీ అధ్యక్షుడు కేశవరావు నివాసంలో సోమవారం తెలంగాణ కాంగ్రెస్‌ నేతలు సమావేశం అయ్యారు. ఈ సమావేశానికి మాజీ మంత్రి జీవన్‌రెడ్డి, ఎమ్మెల్యే బస్వరాజు సారయ్య, సీనియర్‌ నేత ఆమోస్‌ తదితరులు హాజరు అయ్యారు. తెలంగాణ రాష్ట్రం విషయంలో కేంద్రం కాలయాపన చేస్తోందన్న అభిప్రాయం బలపడుతున్న నేపధ్యంలో ఈ సమావేశం జరగడం ప్రాధాన్యత సంతరించుకుంది.

ఇలా ఉండగా పార్లమెంట్‌ బడ్జెట్‌ సమావేశాల్లో తెలంగాణ బిల్లు ప్రవేశపెట్టాలంటూ తెలంగాణ విద్యార్థులు సోమవారం జంతర్‌మంతర్‌ వద్ద ఆమరణ నిరాహార దీక్షకు దిగారు. తెలంగాణ ప్రజా ప్రతినిధులంతా రాజీనామాలు చేయాలని వారు డిమాండ్‌ చేశారు.