కోదండరామ్ కు 36 మంది టిడిపి ఎమ్మెల్యేల రాజీనామాలు

హైదరాబాద్‌: తెలంగాణ ప్రాంత తెదేపా ఎమ్మెల్యేలు రాజీనామా లేఖలను ఐకాస కన్వీనర్‌ ప్రొఫెసర్‌ కోదండరామ్‌కు ఈ ఉదయం అందజేశారు. మొత్తం 36 రాజీనామాలు కోదండరామ్‌ కు పంపించినట్లు ఆ పార్టీ ఎమ్మెల్యే మోత్కుపల్లి నర్సింహులు తెలిపారు. అసెంబ్లీ మీడియా పాయింట్‌ లో ఆయన మాట్లాడారు. జేఏసీ విద్యార్థులపై పెట్టిన కేసులను వెంటనే ఎత్తివేయాలని డిమాండ్‌ చేశారు. వాయిదా తర్వాత ప్రారంభం అయిన సభలో కొద్దిసేపు గందరగోళం నెలకొంది.

ఓయూ ఘటనపై చర్చ జరగాలని టీడీపీ, ముస్లిం రిజర్వేషన్లపై చర్చకు ఎంఐఎం పట్టుబట్టాయి. అయితే ఎజెండా ప్రకారం సభను నడపుదామని స్పీకర్‌ సర్దిచెప్పినప్పటికీ ఫలితం లేకపోయింది. దాంతో స్పీకర్‌ సభను ప్రశాంతంగా నడపాలంటూ చేతులెత్తి నమస్కరించారు. ఓయూ ఘటనపై హోంమంత్రి సబితా ఇంద్రారెడ్డి సమాధానం ఇస్తారని స్పీకర్‌ చెప్పారు.