తిరుమలలో ప్రేమజంట వద్ద రివాల్వర్ పట్టివేత

తిరుపతి: తిరుమల వెళ్ళేదారి అయిన అలిపిరిలో ఓ ప్రేమ జంట వద్ద తితిదే విజిలెన్స్‌ అధికారులు రివాల్వర్‌ ను స్వాధీనం చేసుకున్నారు. ఉత్తరప్రదేశ్‌లోని ఫతేపూర్‌కు చెందిన నీరజ్‌పాండే, నీతూ పాండేలు నిన్న రాత్రి తిరుమల వెళ్లేందుకు ప్రయత్నించారు.

అలిపిరి వద్ద భద్రతా సిబ్బంది వీరి వద్ద తనిఖీలు చేయగా రివాల్వర్‌, రెండు తూటాలు లభ్యమయ్యాయి. అనంతరం వీరిని పోలీసు స్టేషన్‌కు తరలించి విచారణ చేశారు. ప్రియురాలు సోదరుడి నుంచి ప్రాణభయం ఉండడంతో తుపాకీని కొనుగోలు చేసినట్లు నీరజ్‌పాండే తెలిపారు.