నా మంత్రులు నేను కలిసికట్టుగా ఉన్నాం: రోశయ్య

హైదరాబాద్‌: రాష్ట్రంలో ఒక ప్రభుత్వంగా తమ పని తాము చేసుకుంటూపోతున్నామని ముఖ్యమంత్రి రోశయ్య అన్నారు. తనతో కలిపి మంత్రులంతా కలిసికట్టుగా పనిచేస్తున్నామని, తమ పరిధిలో లేని అంశంపై ఎక్కువగా దృష్టి కేంద్రీకరించమని అన్నారు. అసెంబ్లీ వాయిదా అనంతరం ఆయన మీడియాతో మాట్లాడుతూ సంక్షేమ పథకాల అమలు బాగానే జరుగుతోందన్నారు. శ్రీకృష్ణ కమిటీ విషయం తమ పరిధిలోనిది కాదని అన్నారు. విధివిధానాలు మార్చినా, కాలపరిమితి తగ్గించినా అది కేంద్రమే చేయాలని పేర్కొన్నారు.

శ్రీకృష్ణ కమిటీ పర్యటనకు సంబంధించి తమకు ఎలాంటి సమాచారం అందలేదని తెలిపారు. ధరల నియంత్రణకు ప్రభుత్వ పరంగా అన్ని చర్యలు తీసుకుంటున్నామని చెప్పారు. ఐపీఎల్‌ మ్యాచ్‌లు రాష్ట్రంలో నిర్వహించేందుకు కృషి చేస్తున్నామని తెలిపారు. రాష్ట్రంలో ఆటలు ఆడేందుకు వీలులేని పరిస్థితి లేదని కేంద్ర మంత్రి శరద్‌పవార్‌కు విజ్ఞప్తి చేసినట్లు వెల్లడించారు.