టిడిపి ఎమ్మెల్యే రేవంత్ రెడ్డిపై భూకబ్జా కేసు

హైదరాబాద్‌: టీడీపీ ఎమ్మెల్యే రేవంత్‌ రెడ్డిపై హైదరాబాద్‌లోని ఉప్పల్‌ పోలీస్‌స్టేషన్‌ లో భూకబ్జా కేసు నమోదైంది. ఉప్పల్‌లోని 681 1,2 సర్వే నెంబర్లలోని ఒక ఎకరా 34 కుంటల భూమిని రేవంత్‌ రెడ్డి కబ్జా చేసేందుకు యత్నించారని, తనను బెదిరించారని రంగారెడ్డి కోర్టులో స్థల యజమాని పిటీషన్‌ వేశారు. దీనిపై కేసు నమోదు చేయమని కోర్టు ఉప్పల్‌ పోలీసులను ఆదేశించింది.

ఈమేరకు రేవంత్‌ రెడ్డితోపాటు మరో ఇద్దరిపై పోలీసులు కేసు నమోదుచేశారు. రేవంత్ రెడ్డి మహబూబ్ నగర్ జిల్లా మక్తల్ నియోజకవర్గానికి ప్రాతినిధ్యం వహిస్తున్నారు. తెలుగుదేశం పార్టీలో ఆయన క్రియాశీలకమైన పాత్ర పోషిస్తున్నారు.