వ్యభిచార గృహాలనుంచి తెలుగు యువతులకు విముక్తి

న్యూఢిల్లీ: ఢిల్లీ మహానగరంలో విదిలేక వ్యభిచార గృహాల్లో మగ్గుతున్న తెలుగు యువతులకు విముక్తి లభించింది. వ్యభిచార గృహాల్లో మగ్గుతున్న రాష్ట్ర మహిళలను రక్షించడానికి ఆంధ్రప్రదేశ్‌ పోలీసులు కదిలారు. ఢిల్లీలోని వ్యభిచార గృహాలపై రాష్ట్ర పోలీసులు గురువారం దాడిచేశారు. స్థానిక పోలీసుల సహకారం తీసుకొన్న వారు పలువురు మహిళలకు విముక్తి కల్పించారు. కడప, కర్నూలు, అనంతపురం జిల్లాలకు చెందిన దాదాపు 40మంది యవ తులు, మైనర్‌లను పోలీసులు రక్షించారు.

గతంలో ఇలాగే ముంబై వెళ్ళిన మన పోలీసులు అనేక మంది తెలుగు యువతులను వ్యభిచార గృహాల నుంచి రక్షించి రెస్క్యూ హోం లకు తరలించారు. అయితే అక్కడ కూడా ఉండలేక మళ్ళీ పారిపోయి వ్యభిచార గృహాలకే చేరుతున్న వారి సంఖ్య గణనీయంగా ఉంది.