విదేశాల్లోనూ వెంకన్న కళ్యాణోత్సవాలు: టిటిడి చైర్మన్

తిరుమల: దేశవ్యాప్తంగానే కాకుండా విదేశాల్లో కూడా శ్రీవారి కళ్యాణోత్సవాలు నిర్వహించాలని టీటీడీ నిర్ణయించింది. మే మొదటివారంలో న్యూజెర్సీలో శ్రీవారి కళ్యాణోత్సవాలు నిర్వహించనున్నట్లు టీటీడీ ఛైర్మన్‌ డీకె ఆదికేశవులునాయుడు శుక్రవారం ఇక్కడ తెలిపారు. అలాగే ఈ నెల 21న ఢిల్లీ, 24న తమిళనాడులోని రాయవేలూరులో శ్రీవారి కళ్యాణోత్సవాలు జరపనున్నట్లు ఆయన పేర్కొన్నారు.

కాగా మహాశివరాత్రి బ్రహ్మోత్సవాల ముగింపు సందర్భంగా శుక్రవారం శ్రీకాళహస్తీశ్వరాలయంలో ఏకాంతసేవ జరగనుంది. అందువల్ల తిరుమల నుంచి భక్తులు పెద్ద ఎత్తున తరలి వస్తున్నారు. మొత్తం 13 రోజులు జరిగే ఉత్సవాలు శుక్రవారంతో ముగియనున్నాయి. ఈ నెల 7వ తేదీ కన్నప్ప ధ్వజారోహణంతో బ్రహ్మోత్సవాలు ప్రారంభమయ్యాయి. ఉత్సవాల వల్ల 12 రోజు లు ఆలయంలో స్వామి, అమ్మవార్లకు ఏకాంతసేవ జరగదు. మామూలుగా ప్రతి రోజూ రాత్రి ఆలయం దర్శన వేళలు పూర్తయిన తర్వాత స్వామి, అమ్మవార్ల ఏకాంతసేవ జరుగుతుంది.