• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

లక్షా 13 వేల కోట్లతో రోశయ్య బడ్జెట్

By Pratap
|

Rosaiah
హైదరాబాద్: లక్షా 13 వేల కోట్ల రూపాయలతో ముఖ్యమంత్రి కె. రోశయ్య శనివారం శాసనసభలో 2010 - 11 వార్షిక బడ్జెట్ ప్రతిపాదించారు. శాసనమండలిలో మంత్రి గాదె వెంకట రెడ్డి బడ్జెట్ ను ప్రతిపాదించారు. ముఖ్యమంత్రి హోదాలో రోశయ్య తొలిసారి శాసనసభలో బడ్జెట్ ను ప్రతిపాదించారు. జలయజ్ఝానికి రోశయ్య తన బడ్జెట్ లో ప్రాధాన్యం ఇచ్చారు. నీటి పారుదల ప్రాజెక్టులకు 15,011 కోట్ల రూపాయలు కేటాయించారు. సంక్షేమానికి, అభివృద్ధికి సమ ప్రాధాన్యం ఇచ్చేలా ఆయన బడ్జెట్ ప్రవేశపెట్టారు. ద్రవ్యలోటు రూ. 12,983 కోట్ల రూపాయలు ఉండగలదని అంచనా వేశారు. ప్రణాళికా వ్యయం 40,313 కోట్ల రూపాయలు, ప్రణాళికేతర వ్యయం 73,347 కోట్ల రూపాయలు ఉంటాయని అంచనా వేశారు.

రెవెన్యూ ఆదాయం రూ. 3,548 కోట్లు ఉంటుందని ప్రతిపాదించారు. మొత్తం రెవెన్యూ అంచనాను రూ. 1,13,675 కోట్లుగా చెప్పారు. 2010 - 2011లో వృద్ధి రేటు 7.17 శాతం ఉండగలదని రోశయ్య అంచనా వేశారు. రెవెన్యూ నిధుల్లో కేంద్ర పన్నుల వాటా 14,505 కోట్ల రూపాయలు, కేంద్ర గ్రాంట్లు రూ. 13,441 కోట్లు ఉండగలదని అంచనా వేశారు. మూలధన వసూలు రూ. 23,027 కోట్లు ఉండగలదని ఆయన చెప్పారు. ప్రాంతీయ అసమానతలను తొలగించడానికి కూడా రోశయ్య తన బడ్జెట్ కేటాయింపులు జరిపారు. రాష్ట్రంలోని 13 జిల్లాల్లోని వెనకబడిన ప్రాంతాల్లో ఈ నిధులను వినియోగిస్తామని ఆయన చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X