• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఉన్నంతలో మంచి బడ్జెట్ పెట్టా: సిఎం

By Pratap
|

Rosaiah
హైదరాబాద్: ఉన్నంతలో తాను మంచి బడ్జెట్ ను ప్రతిపాదించినట్లు ముఖ్యమంత్రి కె. రోశయ్య చెప్పుకున్నారు. శాసనసభలో బడ్జెట్ ను ప్రతిపాదించిన తర్వాత ఆయన శనివారం మీడియా ప్రతినిధుల సమావేశంలో మాట్లాడారు. తాను గత నాలుగైదు నెలలుగా తాను నిధుల విడుదలను బిగబట్టడం వల్లనే ఈ మాత్రం బడ్జెట్ ను ప్రతిపాదించగలిగినట్లు ఆయన తెలిపారు. దివంగత నేత వైయస్ రాజశేఖర రెడ్డి దేనికీ కాదనకుండా నిధులు ఇచ్చేవారని, తాను అలా చేయలేదని, అన్నింటికీ నిధులు విడుదలను కాదంటూ వచ్చానని, దాని వల్ల మంచి బడ్జెట్ ను ప్రతిపాదించానని ఆయన చెప్పారు.

ప్రపంచవ్యాప్తంగా అలుముకున్న ఆర్థిక మాంద్యం ప్రభావం మనపై కూడా పడిందని ఆయన చెప్పారు. ఈ స్థితిలో ఏ విధమైన బడ్జెట్ ప్రతిపాదించవలసి వస్తుందోనని భయపడుతూ వచ్చానని, ఆయితే తాము పాటించిన ఆర్థిక క్రమశిక్షణ వల్ల మంచి బడ్జెట్ నే ప్రతిపాదించానని ఆయన చెప్పారు. ద్రవ్యలోటు మించకుండా జాగ్రత్త పడ్డామని ఆయన చెప్పారు. పెట్టుబడి వ్యయంలో కోత పెట్టలేదని ఆయన అన్నారు. బడ్జెట్ లో సంక్షేమానికి ప్రాధాన్యం ఇచ్చినట్లు ఆయన తెలిపారు. ఏ ప్రాంతానికీ ఇబ్బంది కలగకుండా చూశానని, ప్రాంతాన్ని బట్టి నిధుల కేటాయింపు ఉండదనీ పథకాలను బట్టే ఉంటుందనీ ఆయన ఒక ప్రశ్నకు సమాధానంగా చెప్పారు. దేవాదులను జాతీయ ప్రాజెక్టుగా గుర్తించాలని కేంద్ర ప్రభుత్వాన్ని కోరినట్లు ఆయన చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X