• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

నిరూపిస్తే దేనికైనా సిద్ధం: చీరాల ఎమ్మెల్యే

By Pratap
|

Amanchi Krishnamohan
హైదరాబాద్: తనపై వచ్చిన ఆరోపణలను నిరూపిస్తే తాను దేనికైనా సిద్ధమని ప్రకాశం జిల్లా చీరాల కాంగ్రెసు శాసనసభ్యుడు ఆమంచి కృష్ణమోహన్ సవాల్ చేశారు. సెటిల్ మెంట్లు చేస్తూ డబ్బులు దండుకుంటున్నట్లు తనపై వచ్చిన ఆరోపణలను ఆయన మంగళవారం మీడియా ప్రతినిధుల సమావేశంలో ఖండించారు. తాను చేస్తున్న సెటిల్ మెంట్లను ఆయన సమర్థించుకున్నారు. ముఖ్యమంత్రి కె. రోశయ్యకు తన వల్ల చెడు పేరు వస్తుందని తలస్తే తాను రాజీనామా చేస్తానని ఆయన అన్నారు. స్టింగ్ ఆపరేషన్ ద్వారా తన కార్యకలాపాలను బయటపెట్టిన రెండు టీవీ చానెళ్లపై ఆయన ఎదురు దాడి చేశారు. టీవి9, ఎన్టీవి చానెళ్లపై ఆయన తీవ్రంగా మండి పడ్డారు.

ఆ రెండు టీవీ చానెళ్ల తనను బ్లాక్ మెయిల్ చేస్తున్నాయని ఆయన ఆరోపించారు. వాటి బెదిరింపులకు తాను భయపడేది లేదని ఆయన అన్నారు. ఆ టీవీ చానెళ్లు మాఫియాలా వ్యవహరిస్తున్నాయని ఆయన వ్యాఖ్యానించారు. టీవీ9కు చెందిన రవిప్రకాష్ ను, ఎన్టీవికి చెందిన చౌదరిని ఆయన తీవ్రంగా విమర్శించారు. తను కష్టపడి పైకి వచ్చానని ఆయన చెప్పుకున్నారు. తనపై వచ్చిన ఆరోపణల మీద సిబిఐ విచారణకు కూడా తాను సిద్దమేనని ఆయన అన్నారు. నియోజకవర్గం ప్రజలను అడిగితే తన గురించి చెబుతారని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X