తెలంగాణను పక్కన పెట్టలేదు: సింఘ్వీ

న్యూఢిల్లీ: తెలంగాణ అంశాన్ని పక్కన పెట్టలేదని కాంగ్రెసు అధికార ప్రతినిధి అభిషేక్ మను సింఘ్వీ స్పష్టం చేశారు. రాష్ట్రపతి ప్రసంగంలో తెలంగాణ అంశాన్ని పొందుపరచకపోవడాన్ని నిరసిస్తూ తమ పార్టీ తెలంగాణ పార్లమెంటు సభ్యులు పార్లమెంటు భవనం వద్ద ధర్నా చేసిన నేపథ్యంలో ఆయన సోమవారం సాయంత్రం ఆ వివరణ ఇచ్చారు.

రాష్ట్రపతి ప్రసంగంలో ఆ అంశాన్ని ప్రస్తావించనంత మాత్రాన ప్రభుత్వం దాన్ని వదిలేసినట్లు కాదని ఆయన మీడియా ప్రతినిధులతో అన్నారు. ప్రతి అంశం మీదా రాష్ట్రపతి మాట్లాడాలని లేదని, అంత మాత్రాన ప్రభుత్వ, మంత్రివర్గ విధానాల నుంచి వైదొలిగినట్లు కాదని ఆయన అన్నారు.