మాపై అపోహలు వద్దు: దుగ్గల్

హైదరాబాద్: తమపై అపోహలు వద్దని, నిర్ణీత గడువులోగా నివేదిక సమర్పిస్తామని జస్టిస్ శ్రీకృష్ణ కమిటీ సభ్య కార్యదర్శి వికె దుగ్గల్ అన్నారు. వాస్తవాల ప్రాతిపదికపై నివేదిక రూపొందుతుందని ఆయన చెప్పారు. వికె దుగ్గల్ మంగళవారం సాయంత్రం హైదరాబాదు వచ్చారు. ఆయన మీడియా ప్రతినిధులతో మాట్లాడారు. తమకు అందరూ సహకరించాలని ఆయన కోరారు. అన్ని వర్గాల వారినీ తాము కలుస్తామని ఆయన చెప్పారు. మార్చి నెలాఖరు నుంచి సంప్రదింపులు ప్రారంభించనున్నట్లు ఆయన తెలిపారు. రాష్ట్రంలో ప్రస్తుతం నెలకొన్న పరిస్థితులకు అన్నింటికీ తమ కమిటీ పరిష్కారం చూపుతుందని ఆయన చెప్పారు. విధివిధానాలను మార్చే హక్కు తమకు లేదని ఆయన చెప్పారు.

పరిస్థితిపై అవగాహన కోసం మార్చి నెలాఖరు నుంచి జూన్ నెలాఖరు వరకు సంప్రదింపులు ప్రారంభిస్తామని ఆయన చెప్పారు. విస్తృత స్థాయిలో సమావేశాలు నిర్వహిస్తామని ఆయన చెప్పారు. వివిధ వర్గాలనుంచి విస్తృత స్థాయిలో అభిప్రాయాలు సేకరించి, సంప్రదింపుల తర్వాత అధ్యయనం ప్రారంభిస్తామని ఆయన చెప్పారు. విధివిధానాల్లో స్పష్టత ఉందని ఆయన చెప్పారు. హైదరాబాద్ అందమైన నగరం, తెలంగాణ రాష్ట్ర అద్భుతమైందని ఆయన అన్నారు. ఒక కమిటీని నియమించిన తర్వాత పనిలోకి ఇంత వేగంగా దిగింది తమ కమిటీయేనని ఆయన అన్నారు. తాను తెలుగు నేర్చుకుంటున్నానని, మరోసారి వచ్చినప్పుడు తెలుగులో మాట్లాడతానని ఆయన అన్నారు.