న్యాయమూర్తిపైకి చెప్పు విసిరిన స్టెన్

కర్నూలు: తమ నిరసనను వ్యక్తం చేయడానికి అందుబాటులోకి వచ్చిన కొత్త రూపాన్ని ఓ స్టెనో గ్రాఫర్ కర్నూలులో కూడా వాడింది. జిల్లా సెషన్స్ జడ్జి షణ్ముకంపైకి స్టెనో గ్రాఫర్ రాధారాణి చెప్పు విసిరి తన నిరసనను వ్యక్తం చేశారు. ఈ సంఘటన కర్నూలులోని కుటుంబ న్యాయస్థానంలో తీవ్ర సంచలనం కలిగించింది.

న్యాయమూర్తి వేధింపులు భరించలేక తాను అతనిపైకి చెప్పు విసిరినట్లు రాధారాణి మీడియా ప్రతినిధులతో చెప్పారు. దీనిపై మాట్లాడేందుకు న్యాయమూర్తి షణ్ముఖం నిరాకరించారు. స్టేనోను విధుల నుంచి న్యాయమూర్తి సస్పెండ్ చేశారు. న్యాయమూర్తి వేధింపుల వల్లనే స్టెనో ఆ తీవ్ర చర్యకు పాల్పడినట్లు కొంత న్యాయవాదులు కూడా చెబుతున్నారు.