దేవుడే చూసుకుంటాడు: చార్మి

తిరుపతి: మాయగాడు సినిమా నిర్మాత రవిచందర్ తో చెలరేగిన వివాదాన్ని దేవుడే చూసుకుంటాడని ప్రముఖ సినీ నటి చార్మి వ్యాఖ్యానించింది. ఆమె శుక్రవారం తిరుమల సందర్శించి శ్రీవారిని దర్శించుకుంది. మాయగాడు సినీ నిర్మాత రవిచంద్రపై చార్మి మూవీ ఆర్టిస్టు అసోసియేషన్ (మా)కు ఫిర్యాదు చేసింది. రవిచంద్ర తనను వేధిస్తున్నాడని, అతని ప్రవర్తన బాగా లేదని ఆమె మాకు ఫిర్యాదు చేసింది. దీంతో మా రవిచంద్రను వివరణ అడిగింది.

చార్మిపై రవిచంద్ర తీవ్ర విమర్శలు చేస్తున్నాడు. చార్మి ప్రమోషనల్ వర్కుకు రావడం లేదని ఆయన విమర్సిస్తున్నాడు. చార్మిపై నిర్మాతల మండలికి ఫిర్యాదు చేశాడు. చార్మికి గ్లామర్ ఉంది కాబట్టే మాయగాడు సినిమాకు ఎంపిక చేసుకున్నామని, ప్రమోషనల్ వర్కుకు సహకరించడం ఆమె బాధ్యత అని అతను అంటున్నాడు. చార్మి పొగరు తగ్గించుకుంటే మంచిదని అతను వ్యాఖ్యానిస్తున్నాడు. చార్మిని తాము ఎంతో బాగా చూసుకున్నామని అతను చెబుతున్నాడు.