భార్యాకూతుళ్లను చంపి ఎమ్మెల్యే ఆత్మహత్య

పాట్నా: పాలక జనతాదళ్ - యునైటెడ్ శాసనసభ్యుడు అభయ్ సింగ్ భార్యను, కూతురును చంపి తాను ఆత్మహత్య చేసుకున్నాడు. వారి ముగ్గురి మృతదేహాలు ఆయన నివాసంలో పడి ఉన్నాయని పోలీసులు శుక్రవారం చెప్పారు. అభయ్ సింగ్ తండ్రి నరేంద్ర సింగ్ బీహార్ ఆహార, వినియోగదారుల మంత్రిగా పనిచేస్తున్నారు. అభయ్ సింగ్ తన కూతురును, భార్యను చంపి గురువారం రాత్రి తాను ఆత్మహత్య చేసుకున్నాడు.

మొదట అతను భార్యను, కూతురును కాల్చి చంపి, తాను కాల్చుకుని చంపుకున్నాడు. కూతురుకు ఏడాది వయస్సు కూడా ఉండదు. అభయ్ సింగ్ జముయి నియోజకవర్గం నుంచి శాసనసభకు ప్రాతినిధ్యం వహిస్తున్నాడు. అభయ్ సింగ్ చర్యకు కారణాలు తెలియడం లేదు. 40 ఏళ్ల పడిలో ఉన్న అభయ్ సింగ్ కు తండ్రితో విభేదాలున్నట్లు తెలుస్తోంది. కుమారుడి మరణవార్త వినిగానే నరేంద్ర సింగ్ స్పృహ తప్పి పడిపోయారు.