గాదెకు అస్వస్థత: ఆస్పత్రికి తరలింపు

గుంటూరు: రాష్ట్ర దేవాదాయ శాఖ మంత్రి గాదె వెంకటరెడ్డి తీవ్ర అస్వస్థతకు గురయ్యారు. షుగర్ లెవెల్స్ పడిపోవడంతో ఆయన అనారోగ్యానికి గురయ్యారు. సోమవారం ఉదయం ఐదున్నర గంటలకు ఈ సంఘటన జరిగింది. వైద్యులు గుంటూరు జిల్లాలోని బాపట్లలో గల స్వగృహంలో గాదె వెంకటరెడ్డిని వైద్యులు పరీక్షించారు. పరిస్థితి ఆందోళనకరంగా ఉండడంతో ఆయనను గుంటూరు ఆస్పత్రికి తరలించేందుకు సిద్ధపడ్డారు.

గుంటూరుకు తరలించే క్రమంలో మధ్యలో ఇబ్బందికి గురికావడంతో ఆయనను పొన్నూరులోని రవి కార్డియాక్ ఆస్పత్రికి తీసికెళ్లి పరీక్షలు నిర్వహించి చికిత్స అందించే ప్రయత్నం చేస్తున్నారు. మధ్యాహ్నం ఆయనను గుంటూరుకు తరలించే యోచనలో వైద్యులున్నారు. లేకుంటే హైదరాబాదుకు కూడా తరలించాలని అనుకుంటున్నారు.