డిఎస్ నైనా ఓడిస్తా: లక్ష్మినారాయణ

హైదరాబాద్: ఉప ఎన్నికల్లో నిజామాబాద్ శాసనసభ నియోజకవర్గంలో తాను తిరిగి గెలుస్తానని బిజెపి మాజీ శాసనసభ్యుడు లక్ష్మీనారాయణ ధీమా వ్యక్తం చేశారు. నిజామాబాద్ లో తనపై ప్రదేశ్ కాంగ్రెసు కమిటీ (పిసిసి) అధ్యక్షుడు డి శ్రీనివాస్ నిలబడినా, ఆయన కుమారుడు సంజయ్ నిలబడినా వారిని ఓడించి తీరుతానని లక్ష్మీనారాయణ సోమవారం మీడియా ప్రతినిధులతో అన్నారు. వారిపై తాను చాలా సులభంగా గెలిచి తీరుతానని ఆయన అన్నారు.

శ్రీకృష్ణ కమిటీ విధివిధానాలను వ్యతిరేకిస్తూ, తెలంగాణ రాష్ట్ర ఏర్పాటు డిమాండ్ తో ఆయన తన శాసనసభ సభ్యత్వానికి రాజీనామా చేశారు. ఉప ఎన్నికల్లో తమ పార్టీ పోటీ చేస్తుందని డి శ్రీనివాస్ చేసిన ప్రకటనపై లక్ష్మీనారాయణ తీవ్రంగా ప్రతిస్పందించారు. సాధారణ ఎన్నికల్లో డి. శ్రీనివాస్ పై నిజామాబాద్ నియోజకవర్గం నుంచి లక్ష్మీనారాయణ విజయం సాధించారు.