గాదె వెంకటరెడ్డి ఆరోగ్యంపై రోశయ్య ఆరా

హైదరాబాద్: అస్వస్థతకు గురై రాష్ట్ర దేవాదాయ శాఖ మంత్రి గాదె వెంకటరెడ్డి ఆరోగ్యంపై ముఖ్యమంత్రి కె రోశయ్య ఫోన్ ఆరా తీశారు. మెరుగైన చికిత్స కోసం గాదె వెంకటరెడ్డిని హెలికాప్టర్ లో హైదరాబాద్ తరలించాల్సిందిగా ఆయన గుంటూరు జిల్లా కలెక్టర్ రామాంజనేయులుకు సూచించారు. గాదె వెంకటరెడ్డి ఆరోగ్య పరిస్థితిని శాసనసభ ఉప సభాపతి నాదెండ్ల మనోహర్ ముఖ్యమంత్రికి వివరించారు.

ప్రస్తుతం గాదె వెంకటరెడ్డి గుంటూరులోని లలితా సూపర్ స్పెషాలిటీ ఆస్పత్రిలోని ఇంటెన్సివ్ కేర్ యూనిట్ (ఐసియు)లో చికిత్స పొందుతున్నారు. ఆరోగ్యం ఆందోళనకరంగా ఉండడంతో గాదె వెంకటరెడ్డిని హైదరాబాద్ తరలించే ప్రయత్నం చేస్తున్నారు. రాష్ట్ర మంత్రి కన్నా లక్ష్మినారాయణ ఆస్పత్రికి చేరుకుని పరిస్థితిని సమీక్షిస్తున్నారు.