గతంలో రెండుసార్లు కూలిన సూర్యకిరణ్

హైదరాబాద్: సూర్యకిరణ్ యుద్ధ విమానాలు కర్నాటక రాష్ట్రం బీదర్ ఎయిర్ ఫోర్స్ కు చెందినవి. నాలుగు యుద్ధ విమానాలు హైదరాబాద్ బేగంపేటలో విన్యాసాలు చేస్తుండగా సూర్యకిరణ్ యుద్ధ విమానం బుధవారం 11 గంటల 54 నిమిషాలకు కూలిపోయింది. నాలుగు సూర్యకిరణ్ యుద్ధ విమానాలు ఈ విన్యాసంలో పాల్గొనడానకి వచ్చాయి. సూర్యకిరణ్ యుద్ధ విమానాలు 1982లో భారత వైమానిక దళాల్లో చేరాయి. 1996లో ఏవియేషన్ షోలో ఈ యుద్ధ విమానాలు పాల్గొన్నాయి.

2006లో సూర్యకిరణ్ విమానాలు స్క్వాడ్రన్ స్టేటస్ లభించింది. 2006 మార్చి 18వ తేదీన సూర్యకిరణ్ విమానం ఒక్కటి బీదర్ ఎయిర్ ఫోర్స్ స్టేషన్ వద్ద కూలిపోయింది. మరోసారి 2009 జనవరి 21వ తేదీన సూర్యకిరణ్ విమానం కూలింది. బుధవారం జరిగిన ప్రమాదంలో గాయపడినవారి సంఖ్య ఏడుకు చేరుకుంది. న్యూబోయిన్ పల్లిలోని జనావాసాల మధ్య బుధవారం సూర్యకిరణ్ విమానం కూలిపోయింది. ఆ ప్రాంతంలోని ఇళ్లను పోలీసులు ఖాళీ చేయిస్తున్నారు. సాగర్ పవన్ టీమ్ 2001 నుంచి విన్యాసాలు చేస్తోంది. ఈ టీమ్ ఇది వరకు అవార్డు కూడా అందుకుంది.