తెలంగాణ కోసం డిఎస్ ఇల్లు ముట్టడి

హైదరాబాద్: మాదిగ, మాల దండోరా కార్యకర్తలు గురువారం ఉదయం ప్రదేశ్ కాంగ్రెసు కమిటీ (పిసిసి) అధ్యక్షుడు డి శ్రీనివాస్ ఇంటిని ముట్టడించారు. తెలంగాణపై కాంగ్రెసు పార్టీ వైఖరి స్పష్టం చేయాలని డిమాండ్ చేస్తూ వారు ఈ చర్యకు దిగారు. తెలంగాణకు కాంగ్రెసు అనుకూలమో, వ్యతిరేకమో చెప్పాలని వారు డిమాండ్ చేశారు. దీనిపై డిఎస్ స్పష్టం చేయాలని కూడా వారు డిమాండ్ చేశారు.

జై తెలంగాణ అంటూ ఆందోళనకారులు నినాదాలు చేశారు. రాష్ట్ర పరిస్థితిపై అధ్యయనానికి ఏర్పాటైన శ్రీకృష్ణ కమిటీకి వ్యతిరేకంగా కూడా వారు నినాదాలు చేశారు. వారిని పోలీసులు అడ్డుకున్నారు. దీంతో డిఎస్ నివాసం వద్ద కొద్దిసేపు ఉద్రిక్తత నెలకొంది.