ఏవియేషన్ హెలికాప్టర్ అదృశ్యం

హైదరాబాద్: రాష్ట్రంలో శుక్రవారం ఉదయం ఏవియేషన్ హెలికాప్టర్ ఒకటి అదృశ్యమైంది. రైల్వే మార్గం సర్వే కోసం శుక్రవారం ఉదయం 9 గంటలకు హైదరాబాద్ నుంచి బయలుదేరిన హెలికాప్టర్ తొమ్మిదిన్నర గంటల ప్రాంతంలో కనిపించకుండా పోయింది. అప్పటి నుంచి హెలికాప్టర్ నుంచి సిగ్నల్స్ అందడంలో లేదు. ఖమ్మం, కృష్ణా జిల్లాల సరిహద్దు ప్రాంతంలో ఈ హెలికాప్టర్ అదృశ్యమైనట్లు వార్తలు వస్తున్నాయి.

ఖమ్మం జిల్లా వైరా ప్రాంతంలో హెలికాప్టర్ క్షేమంగా దిగి వుండవచ్చునని కూడా అంటున్నారు. కృష్ణా జిల్లా జగ్గయ్యపేట, చిల్లకల్లు ప్రాంతాల్లో హెలికాప్టర్ గాలిలో చక్కర్లు కొట్టినట్లు కూడా చెబుతున్నారు. హెలికాప్టర్ ఆచూకీ కోసం పోలీసులు రంగంలోకి దిగి గాలింపు చర్యలు చేపట్టారు.