తెలంగాణకు సోనియా ఆశీస్సులు: వెంకటస్వామి

గద్వాల: తెలంగాణ ఏర్పాటు ప్రక్రియ ప్రారంభమైనట్లేనని, కేంద్రం నియమించిన కమిటీ తన కార్యక్రమాన్ని ప్రారంభించిందని సీడబ్ల్యూసీ సభ్యు డు వెంకటస్వామి అన్నారు. గద్వాల పట్టణంలోని ప్యారడైజ్‌ ఫంక్షన్‌ హాల్‌లో అక్బర్‌ సలీం పా షా కూతురు వివాహానికి సీడబ్ల్యూసీ సభ్యుడు వెంకటస్వామి, పెద్దపల్లి ఎంపీ వివేక్‌, మాజీ మంత్రి వినోద్‌, గద్వాల మాజీ ఎమ్మెల్యే డీకే. భరతసింహారెడ్డి, ఇతర ప్రముఖులు హాజరయ్యారు. ఈ సందర్భంగా విలేకరులతో వెంకటస్వామితో మాట్లాడారు.

తెలంగాణ ప్రక్రియకు సోనియాగాంధీ ఆశీస్సులు ఉన్నాయ ని తెలంగాణ ప్రజల ఆకాంక్ష త్వరలో నెరవేరబోతుందని చెప్పారు. స్థానిక మంత్రి డీకే.అరుణ ఇంటికి వెంకట స్వామి మర్యాదపూర్వకంగా వచ్చా రు. ఈ సందర్భంగా వెంకటస్వామిని భరతసింహారెడ్డి, మున్సిపల్‌ చైర్మన్‌ బీఎస్‌. కేశవ్‌, మార్కెట్‌ కమిటీ చైర్మన్‌ గడ్డం కృష్ణారెడ్డి, కౌన్సిలర్లు సాదరంగా సత్కరించారు.