పెంటగాన్ వద్ద కాల్పులు: ముగ్గురికి గాయాలు

ముంబై: అమెరికా రక్షణ శాఖ పెంటగాన్ హెడ్ క్వార్టర్ సమీపంలోని మెట్రో స్టేషన్ లో కాల్పులు జరిగాయి. ఆ ఘటనలో ముగ్గురు గాయపడ్డారు. గాయపడినవారిలో ఇద్దరు పెంటగాన్ పోలీసు అధికారులున్నారు. భారత కాలమానం ప్రకారం శుక్రవారం ఉదయం ఈ సంఘటన చోటు చేసుకుంది. పెంటగాన్ మెట్రో స్టేషన్ వద్ద ఓ ఆగంతకుడు భద్రతాధికారులపై విచక్షణారహితంగా కాల్పులు జరిపాడు.

భద్రతాధికారులు ఎదురు కాల్పులు జరిపారు. ఎదురుకాల్పుల్లో ఆ ఆగంతకుడు గాయపడ్డాడు. అతడిని పోలీసులు అదుపులోకి తీసుకుని విచారిస్తున్నారు. ఈ ఘటనలో గాయపడినవారిని జార్జ్ వాషింగ్టన్ ఆస్పత్రికి తరలించారు. ఈ కాల్పుల ఘటనను పెంటగాన్ వర్గాలు ధ్రువీకరించాయి. కాల్పుల అనంతరం పెంటగాన్ ను మూసేశారు.