నేను స్వామీజీలను నమ్మను: త్రిష

చెన్నై: తాను స్వామీజీలను విశ్వసించనని ప్రముఖ నటి త్రిష్ అన్నది. శింబుతో తాను నటించిన వినైతాండి సినిమా విజయం సాధించిన సందర్భంగా ఆమె శుక్రవారం మీడియా ప్రతినిధులతో మాట్లాడింది. ఈ సందర్భంగా మీడియా ప్రతినిధులు - ఇది వరకు మీరు ఎప్పుడైనా స్వామీజీల ఆశీర్వాదం తీసుకున్నారా అని అడిగారు. సాటి మనుషులను తాను దేవుళ్లుగా నమ్మనని ఆమె సమాధానమిచ్చింది.

తాను ఏ స్వామీజీ వద్ద కూడా ఆశీర్వాదం తీసుకోలేదని, అసలు వారిపై తనకు నమ్మకం లేదని స్పష్టం చేసింది. నటీమణుల అంతర్గత విషయాలు బయటకు పొక్కుతున్నాయని, దీనిపై మాట్లాడాలని కోరగా మీడియా చాలా శక్తివంతమైందని, దానికి అందరూ భయపడాల్సిన అవసరం ఉందని ఆమె అన్నది.