ఆస్కార్: వాల్ట్ జ్ ఉత్తమ సహాయ నటుడు

లాస్ ఏంజెలెస్: ఆస్కార్ అవార్డుల ఉత్సవం ప్రారంభమైంది. ఇంగ్లూరియస్ బాస్టర్డ్స్ లో నటనకు గాను క్రిస్టోఫ్ వాల్ట్ జ్ కు సహాయ నటుడి అవార్డు లభించింది. అప్ కు ఉత్తమ యానిమేటెడ్ ఫీచర్ ఫిల్మ్ అవార్డు లభించింది. ఐరోపాలో ప్రముఖ టెలివిజన్ నటుడైన ఆస్ట్రేలియాలో పుట్టిన వాల్ట్ జ్ ఆస్కార్ లో తొలి అవార్డును గెలుచుకున్నారు.

నిరుటి ఉత్తమ సహాయ నటుడు పినెలోప్ క్రుజ్ వాల్ట్ జ్ కు అవార్డును అందజేశారు. ఇరాక్ యుద్ధాన్ని ఇతివృత్తంగా తీసుకుని నిర్మితమైన ది హర్ట్ లాకర్ ఒరిజినల్ స్క్రీన్ ప్లే అవార్డును గెలుచుకుంది. మార్క్ బోల్ ఆ అవార్డును అందుకున్నారు. ఉత్తమ చిత్రం కెటగిరీలో హర్ట్ లాకర్, అవతార్ తీవ్రంగా పోటీ పడుతున్నాయి.

బెస్ట్ మేకప్ అవార్డు స్టార్ ట్రెక్ కు లభించింది. ఉత్తమ లఘు చిత్రం అవార్డును ది న్యూ టెనెంట్స్ కు గాను జోచిమ్ బ్యాక్, తివి మగూషన్ గెలుచుకున్నారు. ఉత్తమ లఘు డ్యాక్యుమెంటరీ చిత్రంగా మ్యూజిక్ బై ప్రుడెన్స్ ఎంపికైంది. ఉత్తమ యానిమేటెడ్ లఘు చిత్రంగా లోగోరామ ఎంపికైంది.