గోడపై నుంచి దూకి ఖైదీ ఆత్మహత్యాయత్నం

కడప: కడప జిల్లా ప్రొద్దుటూరు సబ్ జైల్లో ఓ ఖైదీ గోడపై నుంచి దూకి ఆత్మహత్యా యత్నానికి ప్రయత్నించిన ఘటన మంగళవారం తీవ్ర సంచలనం కలిగించింది. సుబ్బారాయుడు అనే ఖైదీ నగ్నంగా గోడపైకి ఎక్కి కిందికి దూకాడు. దీంతో అతను తీవ్రంగా గాయపడ్డాడు. అతన్ని చికిత్స నిమిత్తం ఆస్పత్రికి తరలించారు. అతని పరిస్థితి ఆందోళనకరంగా ఉంది.

సుబ్బారాయుడు ఓ హత్య కేసులో నిందితుడు. తనను అన్యాయంగా ఈ కేసులో ఇరికించారని ఆరోపిస్తూ అతను జైలు గోడపైకి ఎక్కి కిందికి దూకాడు. అతని మానసిక స్థితి బాగా లేదని జైలు అధికారులు అంటున్నారు. గోడ ఎక్కిన ఐదు నిమిషాల లోపలే అతను కిందికి దూకాడు.