• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

నిత్యానంద ఆశ్రమంపై ఫిర్యాదు

By Santaram
|

Nityananda Swami
సిఫ్‌ కాట్‌: నిత్యానంద స్వామి ఆశ్రమంలో చిక్కుకున్న తన కుమారుడిని రక్షించాలని హోసూరు పోలీసులకు ఫిర్యాదు చేసిన ఓ మహిళ మంగళవారం కేసును ఉపసంహరించుకుంది. వివరాల్లోకి వెళ్తే హొసూరు క్రిష్ణప్ప కాలనీకి చెందిన కమలమ్మకు ఇద్దరు కుమారులు రమేష్‌(28), సెల్వరాజు(25) ఉన్నారు. నిత్యానంద స్వామి బోధనలకు ఆకర్షితుడై నాలుగు నెలల క్రితం సెల్వరాజు బెంగళూరులోని మెడిటేషన్‌ సెంటర్‌ లో చేరాడు. ఇటీవల నిత్యానందస్వామి రాసలీలలు వెలుగుచూడటంతో ఆందోళన చెందిన కమలమ్మ తన కుమారుడు సెల్వరాజుతో ఫోన్‌లో సంప్రదించింది. వెంటనే వెనక్కు వచ్చేయాలని సూచించింది.

ఇందుకు సెల్వరాజు నిరాకరించాడు. దీంతోఈ నెల 6న ఆమె హొసూరు పోలీస్‌ స్టేషన్‌ లో ఫిర్యాదు చేసింది. కుమారుడిని నిత్యానంద స్వామి ఆశ్రమం నుంచి విడిపించాలని కోరింది. పోలీసులు కేసు నమోదు చేసుకొని బెంగళూరుకు వెళ్ళేందుకు సిద్ధమవుతుండగా తల్లి కమలమ్మ తన కుమారుడు రమేష్‌ తో కలిసి మంగళవారం పోలీస్‌ స్టేషన్‌ కు చేరుకొని తాను ఇచ్చిన ఫిర్యాదును ఉపసంహరించుకుంది. కేసు ఉపసంహరించుకునేలా ఆమెపై ఎవరైనా ఒత్తిడి తెచ్చారా? అనే కోణంలో పోలీసులు విచారణ చేపట్టారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X