జెడి (యు)కు నితీష్ కుమార్ గుడ్ బై?

న్యూఢిల్లీ: మహిళా బిల్లు నేపథ్యంలో జెడి (యు)లో విభేదాలు పెరిగాయి. బీహార్ ముఖ్యమంత్రి నితీష్ కుమార్ మహిళా బిల్లుకు మద్దతు తెలుపుతుండగా పార్టీ అధ్యక్షుడు శరద్ యావద్ వ్యతిరేకిస్తున్నారు. రాజ్యసభలో మంగళవారం ఐదుగురు పార్టీ సభ్యులు మహిళా బిల్లును బలపరిచారు. రాష్ట్ర శాసనసభ ఎన్నికలు జరగనున్న నేపథ్యంలో పార్టీ రెండుగా చీలే ప్రమాదం ఉన్నట్లు చెబుతున్నారు.

కాగా, శరద్ యాదవ్ కు కూడా తగిన మద్దతు ఉంది. మహిళా బిల్లుపై వోటింగ్ విషయంలో శరద్ యాదవ్ విప్ అస్త్రాన్ని పార్టీ సభ్యులపై ప్రయోగించే అవకాశాలున్నట్లు ప్రచారం జరుగుతోంది. నితీష్ కుమార్ వ్యవహార శైలి, ఆయన ఎదుగుదల నచ్చని కొంత మంది నాయకులు శరద్ యాదవ్ వైపు నిలిచినట్లు చెబుతున్నారు.