దర్శకుడు తేజ భార్య శ్రీవల్లి అరెస్టు

హైదరాబాద్: భూవివాదం కేసులో తెలుగు చలన చిత్ర దర్సక నిర్మాత తేజ భార్య శ్రీవల్లిని పోలీసులు శుక్రవారం అదుపులోకి తీసుకున్నారు. ఆమెతో పాటు తేజ మామ పద్మనాభ రెడ్డిని కూడా పోలీసులు అరెస్టు చేశారు. హైదరాబాదులోని జూబిలీహిల్స్ లో గల తన ఇంటిని తేజ, పద్మనాభ రెడ్డి బలవంతంగా స్వాధీనం చేసుకున్నారని ఆరోపిస్తూ చలనచిత్ర నిర్మాత చదలవాడ శ్రీనివాస రావు జూబిలీహిల్స్ పోలీసులకు ఫిర్యాదు చేశారు.

ఫిర్యాదు నమోదు చేసుకున్న పోలీసులు నాలుగు రోజులైనా నిందితులను ఇంటి నుంచి ఖాళీ చేయించలేదు. దీంతో చదలవాడ శ్రీనివాస రావు మానవ హక్కుల కమిషన్ ను ఆశ్రయించారు. కేసును విచారించిన మానవ హక్కుల కమిషన్ చైర్మన్ సుభాషన్ రెడ్డి తేజ, పద్మనాభ రెడ్డిలను ఈ నెల 17వ తేదీన తమ ముందు హాజరు పరచాలని బంజారాహిల్స్ ఎసిపిని ఆదేశించారు. ఈ నేపథ్యంలో పోలీసు తేజ భార్యను, మామను అరెస్టు చేశారు.