మావోల భారీ డంప్ స్వాధీనం

ఏలూరు: పశ్చిమ గోదావరి జిల్లా తణుకు మండలం పైడిపర్రు గ్రామంలో పోలీసులు శనివారం భారీ డంప్ ను స్వాధీనం చేసుకున్నారు. ఎన్ కౌంటర్ లో మృతి చెందిన మావోయిస్టు నేత సోలిపేట కొండల రెడ్డి అలియాస్ టెక్ రమణ డైరీ ఆధారంగా వరంగల్ జిల్లా పోలీసులు పైడిపర్రులోని ఒక ఇంటిలో సోదాలు చేశారు. ఇంటిలో భారీగా ఆయుధాలు లభించాయి. 9ఎంఎం తూటాలు, రాకెట్ లాంచర్ల వెంచర్లు, ఇతర సామగ్రి బయట పడ్డాయి. నాలుగు వేలకు పైగా గ్రెనేడ్లు, తుపాకుల విడిభాగాలు కూడా ఉన్నాయి.

టెక్ రమణ ఈ ఇంటిని రెడ్డి పేరు మీద కిరాయికి తీసుకుని డంప్ ను నిర్వహిస్తున్నాడు. గత నాలుగేళ్లుగా నట్లు, బోల్టుల వ్యాపారం పేరు మీద ఆయుధాల డంప్ ను నిర్వహిస్తున్నాడు. ఈ డంప్ బయటపడడంతో స్థానికులు తీవ్ర భయాందోళనలకు గురవుతున్నారు. కొంత మంది గ్రామం విడిచిపోయారు.