జలయజ్ఞంపై విమర్శలు తిప్పికొట్టండి: సిఎం

హైదరాబాద్: రాష్ట్రంలో సాగునీటి ప్రాజెక్టుల నిర్మాణానికి చేపట్టిన జలయజ్ఞంపై విమర్శలను తిప్పికొట్టాలని ముఖ్యమంత్రి కె. రోశయ్య మంత్రులకు, అధికారులకు పిలుపునిచ్చారు. జలయజ్ఞంపై ఆయన సోమవారం సమీక్ష నిర్వహించారు. జలయజ్ఝం కింద చేపట్టిన 39 ప్రాజెక్టులను పూర్తి చేస్తామని, వీటికి 6,900 కోట్ల రూపాయలు వెచ్చిస్తామని సమీక్షా సమావేశం తర్వాత భారీ నీటిపారుదల శాఖ మంత్రి పొన్నాల లక్ష్మయ్య మీడియా ప్రతినిధులతో చెప్పారు. వీటి ద్వారా 14 లక్షల ఎకరాలకు అదనంగా నీరందుతుందని ఆయన చెప్పారు.

తక్కువ నిధులతో ఎక్కవ లాభం చేకూరే ప్రాజెక్టులకు ప్రాధాన్యం ఇస్తామని ఆయన చెప్పారు. జలవిద్యుదుత్పత్తిని పెంచడానికి చిన్నపాటి ప్రాజెక్టుల నిర్మాణంపై అధ్యయనానికి ముగ్గురు కార్యదర్శలు ఒక నివేదిక సమర్పిస్తారని, ఈ ముగ్గురులో మూడా ప్రాంతాలకు చెందినవారుంటారని ఆయన చెప్పారు.