బాబా రాందేవ్ కొత్త పార్టీ స్వాభిమాన్

న్యూఢిల్లీ: యోగా గురువు బాబా రాందేవ్ రాజకీయాల్లోకి అడుగు పెట్టబో తున్నారు. ఈ విషయాన్ని మంగళవారం నాడు ఆయనే స్వయంగా ప్రకటించారు. ప్రస్తుత రాజకీయ వ్యవస్థను ప్రక్షాళన చేసే లక్ష్యంతో త్వరలోనే 'భారత స్వాభిమాన్' పేరుతో కొత్త పార్టీ నెలకొల్పనున్నట్లు ఆయన చెప్పారు.

వచ్చే లోక్‌ సభ ఎన్నికల్లో అన్ని స్థానాల నుంచి పార్టీ తరపున అభ్యర్థులను నిలబెడతామని, అయితే తాను మాత్రం పోటీ చేయబోనని రాందేవ్ వెల్లడించారు. విదేశాల్లో ఉన్న నల్లధనాన్ని వెలికితీస్తే దేశంలో పేదరికం ఉండదని తాను గట్టిగా విశ్వసిస్తున్నానని, ఆ దిశగా తమ రాజకీయ కార్యాచరణ ఉంటుందని రాందేవ్ తెలిపారు.