శ్రీకృష్ణ కోసం ప్రజారాజ్యం 'సమైక్య' కసరత్తు

హైదరాబాద్‌: శ్రీకృష్ణ కమిటీకి ఇవ్వాల్సిన నివేదికపై చర్చించేందుకు రామచంద్రయ్య ఆధ్వర్యంలో పీఆర్పీ నేతలు సమావేశమయ్యారు. రాష్ట్రం సమైక్యంగా ఎందుకుండాలో వివరిస్తూ తాము నివేదికను రూపొందించనున్నట్లు పార్టీ నేతలు తెలిపారు.

కేవలం వెనుకబాటుతనం ప్రాతిపదికగానే తెలంగాణా ఇవ్వాల్సి వస్తే దేశంలో వందలాది ప్రత్యేక డిమాండ్లు వస్తాయన్నారు. గత 50ఏళ్లలో ప్రాంతాలవారిగా శాఖలవారిగా బడ్జెట్‌ కేటాయింపుల్ని తమ నివేదికలో పొందుపరిచి శ్రీకృష్ణ కమిటీకి అందజేస్తామన్నారు. ప్రజారాజ్యం సమైక్యాంధ్రకు అనుకూలంగా స్పష్టమైన వైఖరి అవలంబిస్తున్న విషయం తెలిసిందే.