దొడ్డి దారిన తీర్మానం ఆమోదం: చిరు

హైదరాబాద్: హైదరాబాద్ ఫ్రీజోన్ పై రాష్ట్ర ప్రభుత్వం శాసనసభలో తీర్మానం ఆమోదించడానికి ప్రజారాజ్యం పార్టీ అధినేత చిరంజీవి తప్పు పట్టారు. ఇప్పుడు పోలీసు శాఖకు పరిమితమైన ఈ తీర్మానం మున్ముందు అన్ని శాఖలకు విస్తరించే ప్రమాదం ఉందని ఆయన గురువారం మీడియా ప్రతినిధుల సమావేశంలో అన్నారు. ఈ నిర్ణయం వల్ల రాష్ట్రంలోని అన్నిజిల్లాలవారు నష్టపోతారని ఆయన అన్నారు.

హైదరాబాద్ ఫ్రీజోన్ విషయంలో రాష్ట్రపతి ఉత్తర్వులోని 14ఎఫ్ సవరణపై తమ అభిప్రాయం చెప్పనివ్వకుండా ప్రభుత్వం శాసనసభలో దొడ్డి దారిన తీర్మానం చేసిందని ఆయన ఆయన విమర్శించారు. ఈ తీర్మానంపై ప్రభుత్వం కనీసం చర్చకు కూడా అనుమతి ఇవ్వకపోవడం దారుణమని ఆయన అన్నారు. ఈ సవరణ వల్ల తెలంగాణ ప్రాంతంలో కూడా అనేక మందికి అన్యాయం జరుగుతుందని ఆయన అన్నారు. హైదరాబాద్ వచ్చి అభివృద్ధి చెందుదామని అనుకునేవారికి గొడ్డలిపెట్టుగా ఉంటుందని ఆయన అన్నారు.