యోగి వేమన టెలి సీరియల్ ప్రారంభం

కడప: సమాజంలో మార్పు కోసం, యోగి వేమన పద్యాలను తిరిగి ప్రజలకు వినిపిం చేందుకు టెలీ సీరియల్‌ నిర్మిస్తున్నట్లు దర్శకుడు రాజారావు గ్రంధి తెలిపారు. సిద్దవటం కోట వద్ద సీరియల్‌ షూటింగ్‌ నిర్వహిస్తున్నారు. ఈ సందర్భంగా ఆయన మాట్లాడుతూ యోగి వేమన పాత్రలో ప్ర ముఖ సినీ హాస్యనటుడు సుత్తివేలు నటిస్తున్నారని పేర్కొన్నారు. జిల్లాలోని సిద్దవటం, బి.మఠం ప్రాంతాల్లో షూటింగ్‌ నిర్వహిస్తున్నట్లు తెలిపారు. నాటి నుంచి నేటి వరకు సమాజంలో కొనసాగుతున్న సాంఘిక దురాచారాలపై వేమన పదునైన పద్యాలు ఎంతైనా ప్రభావం చూపే అవకాశం ఉందన్నారు. అప్పట్లోనే వేమన పద్యాలు ప్రజల్లో ఎంతో చైతన్యం కలిగించాయని, నేటికి అవి నిత్య చైతన్యమేనని అన్నారు.

సర్వమత సమానత్వం కావాలని, అసమానతలను తొలగించేందుకు వేమన ఆనాడే నాందిపలికారన్నారు. తన టెలీ సీరియల్‌ ద్వారా ఆయన పద్యాలను ప్రజలకు మరింత చేరువయ్యేలా చేయాలనే ఈ ప్రయత్నం చేస్తున్నానన్నారు. తెలుగు సంవత్సరాది ఉగాది రోజున జిల్లాలో షూటింగ్‌ ప్రారంభించామని తెలిపారు.