జయలలితకు సుప్రీంలో చుక్కెదురు

న్యూఢిల్లీ: ఆదాయానికి మించి అక్రమ ఆస్తుల కేసులో తమిళనాడు మాజీ ముఖ్యమంత్రి, అన్నాడీఎంకే అధినేత్రి జయలలితకు సుప్రీంకోర్టులో చుక్కెదురు అయ్యింది. విచారణ రద్దు చేయాలంటూ జయ పెట్టుకున్న పిటిషన్‌ను కొట్టివేస్తూ స్టే నిరాకరించింది. ఈ కేసుకు సంబంధించి కర్ణాటక ప్రత్యేక కోర్టులో ప్రతిరోజు సాక్షులను విచారించవలసిందిగా సుప్రీంకోర్టు శుక్రవారం ఉత్తర్వులు జారీ చేసింది.

ఈ తీర్పుతో తమిళనాడు రాజకీయాలు వేడెక్కే అవకాశముంది. ఇంతకాలం ఇతర రాష్ట్రాల్లో విశ్రాంతి తీసుకున్న జయలలిత అసెంబ్లీ సమావేశాలకోసం నిన్ననే చెన్నై వచ్చారు. ఉప ఎన్నికలో ప్రచారంలో పాల్గొనాలకుంటుడగా ప్రతికూల తీర్పు రావడం ఆమెకు మానసికంగా పెద్ద దెబ్బే.