ఫ్రీజోన్ పై స్పీకర్ తో ప్రజారాజ్యం భేటీ

హైదరాబాద్‌: ఫ్రీజోన్‌ అంశంపై అసెంబ్లీలో ఏకపక్షతీర్మానాన్ని వ్యతిరేకించిన ప్రజారాజ్యంపార్టీ రెండోరోజు కూడా ఆందోళన కొనసాగించింది. రాష్ట్రపతి ఉత్తర్వుల్లోని 14ఎఫ్‌ ను తొలగించాలని కోరుతూ సీఎం నిన్న అసెంబ్లీలో ప్రవేశపెట్టిన తీర్మానాన్ని వ్యతిరేకిస్తున్నట్లు ఆపార్టీ ఎమ్మెల్యేలు స్పీకర్‌కు వివరించారు. ఈ అంశంపై సభలో చర్చజరపాలని స్పీకర్‌ను కోరినట్లు సమాచారం.

రాష్ట్రంలో ఎస్సీ, ఎస్టీలు ఎదుర్కొంటున్న వివిధ సమస్యలపై తెలుగుదేశం, వామపక్షాలు, రైతుసమస్యలపై భాజపా ఇచ్చిన వాయిదాతీర్మానాలను స్పీకర్‌ తిరస్కరించారు. వాయిదాతీర్మానాలను చర్చకు అనుమతించాలని కోరుతూ విపక్షసభ్యులు నిరసనకు దిగడంతో సభ 15నిమిషాలు వాయిదాపడింది. వాయిదా తర్వాత సభ తిరిగి ప్రారంభం కాగానే ప్రశ్నోత్తరాల కార్యక్రమం మొదలైంది.