ఉస్మానియాలో భద్రతా దళాల కేసు వాయిదా

న్యూఢిల్లీ: ఉస్మానియా యూనివర్శిటీలో భద్రతాదళాల తొలగింపు కేసు విచారణను సుప్రీంకోర్టు ఈనెల 26వ తేదీకి వాయిదావేసింది. భద్రతాదళాల మొహరింపు ఎందుకు జరిగిందో కారణాలు చెప్పాలని సుప్రీంకోర్టు గతంలో ఆదేశించింది. ఈమేరకు రాష్ట్రప్రభుత్వం తరపున సీల్డ్‌కవర్‌లో వివరాలు అందజేశారు. సుప్రీం ఆదేశాలమేరకు ఏర్పాటైన త్రిసభ్యకమిటీ వివరాలు తెలియజేస్తూ నివేదిక ఇచ్చింది.

గతంలో ఓయులో పరిస్థితి ఏ క్షణమైనా అదుపుతప్పే అవకాశం ఉందని, అసాంఘిక శక్తులు చేరాయని ఇంటలిజెన్స్‌ వర్గాలు నివేదిక ఇవ్వటం వల్లనే భద్రతాదళాలను మొహరించాల్సి వచ్చిందని పేర్కొన్నారు. ప్రస్తుతం ఓయులో పరిస్థితి అదుపులో ఉందని దళాలను ఉపసంహరించామని పేర్కొన్నారు. సీల్డ్‌కవర్‌లోని సమాచారాన్ని ప్రతివాదులకు కూడా లందజేయాలని సుప్రీంకోర్టు సూచించి విచారణను వాయిదావేసింది.